బ్లాక్ ఫంగస్‌ యొక్క లక్షణాలు, నివారణ | Black Fungus Disease in Telugu

బ్లాక్ ఫంగస్ (మ్యూకోర్ మైకోసిస్) గురించి సమాచారం, బ్లాక్ ఫంగస్‌ యొక్క లక్షణాలు, నివారణ | Black Fungus Disease Explained in Telugu

కరోనా వైరస్ కారణంగా ప్రజలు ఇప్పటికే చాలా భయాందోళనకు గురవుతున్నారు, అయితే కరోనా వైరస్ సోకిన వారిలో అలాగే కరోనా వైరస్ నుండి నయం అయిన వారిలో బ్లాక్ ఫంగస్‌ యొక్క లక్షణాలు కనిపించడం ప్రారంభించాయి. కరోనా నయమైన రోగులలో కూడా ఈ వ్యాధి లక్షణాలలు కనిపించడం గమనార్హం. ఈ Black Fungus Disease in Telugu వ్యాసంలో, ఈ ప్రమాదకరమైన వ్యాధి గురించి సమాచారం, దాని లక్షణాలు, ప్రిస్క్రిప్షన్ తీసుకోవడం అవసరమా, ఇలాంటి విషయాలు మీ ముందుకు తీసుకు వస్తున్నాము.

black fungus disease in telugu

మే 28 2021 నాటికి దేశవ్యాప్తంగా 12 వేల బ్లాక్ ఫంగస్‌ కేసులు నమోదైనట్లు కేంద్ర ప్రభుత్వం ప్రకటించింది. మామూలు రోజుల్లో ఏడాదికి వంద కేసుల నమోదవుతాయంటున్న వైద్య నిపుణులు, కరోనాతో రోజుకు 700 పైగా కేసులు నమోదవుతుండటం అందరినీ ఆందోళనకు గురిచేస్తోంది. మరోవైపు బ్లాక్‌ ఫంగస్‌ తో పాటుగా, వైట్‌ ఫంగస్‌, ఎల్లో ఫంగస్‌ కేసులు దడ పుట్టిస్తున్నాయి.

బ్లాక్ ఫంగస్ (మ్యూకోర్ మైకోసిస్) గురించి సమాచారం, బ్లాక్ ఫంగస్‌ యొక్క లక్షణాలు, నివారణ | Black Fungus Disease in Telugu

బ్లాక్ ఫంగస్‌ మ్యూకోర్‌మైసిస్ అంటే ఏమిటి?

మ్యూకోర్‌మైసిస్ దీన్నే జైకో‌మైకోసిస్, బ్లాక్ ఫంగస్‌గా పిలుస్తారు. ఇది కొత్త కాదు. వాతావరణంలో సహజంగానే ఉంటుంది. మనుషులకు చాలా అరుదుగా సోకుతుంది. ఇది ప్రధానంగా నేల, ఎరువు, మొక్కలు, కుళ్ళిన పండ్లు మరియు కూరగాయలలో నివాసం ఉంటుంది. కరోనాతో పాటు ఇతర అనారోగ్య సమస్యలు ఉన్నవారు, వ్యాధి నిరోధక శక్తి తక్కువ ఉన్న వారికి ఈ వ్యాధి సోకే అవకాశం ఎక్కువగా ఉంటుంది. బ్లాక్ ఫంగస్ ఒక రకమైన బూజు. గాలి పీల్చుకున్నప్పుడు ముక్కు ద్వారా లోపలికి వెళ్లి సైనస్, ఊపిరితిత్తుల్లో చేరుతుంది. శరీరానికి అయిన గాయాల ద్వారా కూడా లోపలికి వెళ్లవచ్చు. సాధారణ వ్యక్తి యొక్క రోగ నిరోధక శక్తి దానిని కట్టడి చేస్తుంది. కానీ కరోనా సోకినా వారిలో రోగ నిరోధక శక్తి బాగా తగ్గడం వళ్ళ ఇది పెరగడానికి అవకాశం దొరుకుతుంది.

మ్యూకోరో‌మైసిస్ ఫంగల్ ఇన్‌ఫెక్షన్ సోకితే కంటి చూపుపోవచ్చు. ఒక్కోసారి మరణం కూడా సంభవించే అవకాశాలున్నాయి. బ్లాక్ ఫంగల్ కేసుల్లో 50శాతం మరణాల రేటు నమోదవుతోంది. మూడో వంతు మంది కంటి చూపు కోల్పోతున్నారు. ముందుగానే గుర్తించి యాంటీఫంగల్‌ వైద్యం అందిస్తే ప్రాణాలు కాపాడవచ్చుని వైద్యులు సూచిస్తున్నారు.

బ్లాక్ ఫంగస్‌ కరోనా సోకిన వారికి ఎందుకు వస్తుంది?

ఇది చాలా అరుదైన సంక్రమణ వ్యాధి, ఇది ముకోర్ ఫంగస్ కారణంగా వృద్ధి చెందుతుంది.  ఆరోగ్యకరమైన మానవుడి ముక్కు మరియు శ్లేష్మంలో కూడా ఇది నివసించగలదని చాలా మంది నిపుణులు అంటున్నారు. అయితే బ్లాక్ ఫంగస్‌ కరోనా సోకిన వారికి ఎందుకు వస్తుంది అనేది చూద్దాం. తీవ్రమైన కరోనావైరస్-సోకిన రోగులకు చికిత్స చేయడానికి స్టెరాయిడ్లను ఉపయోగిస్తారు. దీని వల్ల రోగనిరోధక శక్తి తగ్గి ఆ బ్లాక్ ఫంగస్ విస్తరించడానికి తోడ్పడుతుంది. అందుకే బ్లాక్ ఫంగస్ నివసించడానికి, కరోనా బారిన పడిన వ్యక్తి శరీరం అనువైన ప్రదేశం.

బ్లాక్ ఫంగస్‌ లక్షణాలు

బ్లాక్ ఫంగస్ వ్యాధి సోకినవారికి సైనసిటిస్ సమస్య మొదలవుతుంది. ఈ వ్యాధి యొక్క కొన్ని ప్రధాన లక్షణాలు ఈ క్రింది విధంగా ఉన్నాయి.

  • ముక్కు దిబ్బెడ
  • ముక్కు నుంచి ముదురు రంగు నీరు కారడం
  • ముక్కు లోపలి భాగంలో రక్తస్రావం
  • దవడ నొప్పి
  • ముఖం తిమ్మిరి
  • ముఖం వాపు
  • పంటి నొప్పి
  • పంటి పళ్ళు
  • జ్వరం
  • చర్మం పై దద్దుర్లు
  • కంటి చూపు మందగించడం
  • ఛాతీ నొప్పి
  • శ్వాస తీసుకోవడంలో ఇబ్బంది

బ్లాక్ ఫంగస్ ఇన్ఫెక్షన్ చికిత్స

మీరు బ్లాక్ ఫంగస్ వ్యాధి యొక్క లక్షణాలను చూస్తున్నట్లయితే, ఒక వైద్యుడిని సంప్రదించడం ఉత్తమం. యాంటీ ఫంగల్ థెరపీ ద్వారా వ్యాధి నియంత్రణ చేయవచ్చు.

బ్లాక్ ఫంగస్‌ నివారణ (ICMR black fungus advisory)

బ్లాక్ ఫంగస్ వ్యాధి నివారణకు మరియు ఇతర అవసరమైన జాగ్రత్తలకు సంబంధించి ఇండియన్ కౌన్సిల్ ఆఫ్ మెడికల్ రీసెర్చ్ (ICMR) అధికారికంగా కొన్నిసలహాలను జారీ చేసింది.

  • మీకు డయాబెటిస్ ఉన్నట్లయితే, నల్ల ఫంగల్ వ్యాధి వచ్చే ప్రమాదం ఎక్కువగా ఉంటుంది, అందుకే ఈ వ్యాధిని అదుపులో ఉంచడానికి మొదట మీ రక్తంలో చక్కెరను అదుపులో ఉంచుకోవడం చాలా అవసరం.
  • మీరు కరోనా పాజిటివ్‌గా వున్నా లేదా మీరు దాని నుంచి కోలుకున్నా, మీకు డయాబెటిస్ ఉన్నట్లయితే, గ్లూకోజ్ స్థాయిని క్రమం తప్పకుండా తనిఖీ చేస్తూ ఉండండి అలాగే దానిని ట్రాక్‌లో ఉంచండి.
  • మీరు స్టెరాయిడ్లు తీసుకోవాలని డాక్టర్ సలహా ఇచ్చినట్లయితే, సరైన సమయంలో తీసుకోవడం చాలా ముఖ్యం మరియు దానికి తోడు, అది తీసుకునే మొత్తం మరియు వ్యవధిని గుర్తుంచుకోండి.
  • ఆక్సిజన్ థెరపీ చేస్తున్నప్పుడు, మీరు శుభ్రమైన మరియు చాలా శుభ్రమైన నీటిని ఉపయోగించాలి.
  • యాంటీబయాటిక్స్ మరియు యాంటీ ఫంగల్స్ ఉపయోగిస్తున్నప్పుడు మీరు తప్పనిసరిగా ముఖ్యమైన జాగ్రత్తలు తీసుకోవాలి.

తాజా విశ్లేషణలు

మెడికల్‌ ఆక్సిజన్‌‌‌లో ఫంగస్‌ రాకుండా ఫిల్టర్‌ చేస్తారు. అయితే ఇండస్ట్రియల్‌ ఆక్సిజన్‌ అలా కాదు, తయారీకి ఎక్కువగా జాగ్రత్తలు తీసుకోరు, అంత అవసరం కూడా లేదు. అయితే కరోనా కేసులు ఎక్కువ అవ్వడంతో చాలా మంది ఇండస్ట్రియల్ ఆక్సిజన్ వాడుతున్నారు. తాజా సమాచారం ప్రకారం, నాణ్యతలేని ఇండస్ట్రియల్‌ ఆక్సిజన్‌ సిలెండర్ల ద్వారా బ్లాక్‌ ఫంగస్‌ సోకిందని కొంతమంది డాక్టర్లు అంటున్నారు.

నాణ్యతలేని ఆక్సిజన్‌ సిలెండర్ల ద్వారా బ్లాక్ ఫంగస్ సోకుతుందని బెంగళూరులోని మణిపాల్‌ ఆసుపత్రి స్కల్‌ న్యూరో సర్జన్‌ డాక్టర్‌ సంపత్‌ చంద్ర ప్రసాద్ అభిప్రాయపడ్డారు. అసుపత్రి ఐసీయూలో వుండే నాసిరకం పైపుల వల్ల కూడ వివిధ ఫంగస్‌లు సోకే ప్రమాదం ఉందని కూడా అనుమానం వ్యక్తంచేశారు. ఆక్సిజన్ అందించేప్పుడు ఫ్లో మీటర్ లో ఉపయోగించే నీరు దీనికి కారణం కావచ్చన్న అనుమానాలు కూడా వ్యక్తంచేస్తున్నారు.

Read: